Karim apo Yannick? Kur e njëjta fjali dëgjohet ndryshe

Në qendër të aktivitetit ishin djemtë, rolet gjinore, e ashtuquajtura manosferë dhe pyetja se si shkollat mund të përballen me ide problematike rreth burrërisë

Si i formojnë sot djemtë idetë e tyre për burrërinë – dhe si reagojnë shkolla dhe profesionistët ndaj tyre? Me serinë e re të aktiviteteve «Tragfähige Volksschule», Zyra e Arsimit të Detyrueshëm e Kantonit të Cyrihut e hapi këtë temë në Pädagogische Hochschule Zürich. Aktivitetin e hapi drejtoresha e arsimit, Silvia Steiner. Kontributet profesionale erdhën nga Vivian Frei, përgjegjës për parandalimin e dhunës, dhe Kambez Nuri, bashkëdrejtues i qendrës OH BOY.

Imazh ilustrues i gjeneruar me inteligjencë artificiale; nuk paraqet pjesëmarrës realë. Është përdorur për të ruajtur privatësinë.

Në qendër ishin djemtë, rolet gjinore, e ashtuquajtura manosferë dhe pyetja se si shkollat mund të përballen me ide problematike rreth burrërisë. Por vëmendja nuk u përqendrua vetëm te sjellja e të rinjve. Një shembull nga referati i Kambez Nurit e drejtoi vëmendjen edhe te të rriturit. Albinfo__Driteri

Shembulli ngriti një pyetje jo të rehatshme: Kur e shohim një të ri si individ – dhe kur e bëjmë përfaqësues të një grupi të tërë?

Në punëtoritë me profesionistë paraqitet dy herë e njëjta fjali e një të riu. Ai pohon, ndër të tjera, se gratë i kuptojnë më pak gjërat e ndërlikuara dhe se janë më pak të qëndrueshme se burrat. Albinfo__Driteri

Ndryshon vetëm emri: një herë Karim, një herë Yannick.

Kur bëhet fjalë për «Karimin», sipas Nurit, më shpejt flitet për kulturën, edukimin patriarkal ose seksizmin. Deklarata e tij vendoset kështu më lehtë në një kontekst më të gjerë kulturor – dhe ai shihet më shumë si përfaqësues i një grupi. Albinfo__Driteri

Te «Yannick», vëmendja zhvendoset më shumë te historia e tij personale: te fëmijëria, familja ose përvojat në shtëpi. Ai shihet kështu më shumë si individ – dhe jo si përfaqësues i prejardhjes së tij. Albinfo__Driteri

Nuri e përmblodhi dallimin në mënyrë të drejtpërdrejtë:

«Është e njëjta fjali. Vetëm emri vendos se kush mund të jetë individ dhe kush duhet të përfaqësojë një grup.»

Burimi i vizualit të aktivitetit: Volksschulamt Kanton Zürich / Bildungsdirektion Kanton Zürich.

Shembulli lë disa pyetje të hapura. A mendohet më shpejt për një kulturë të tërë kur një i ri ka një emër ose prejardhje të caktuar, ndërsa te një tjetër kërkohet më shumë shpjegimi në biografinë e tij personale? Dhe kur mund të jenë familja ose kultura vërtet faktorë të rëndësishëm? Albinfo__Driteri

Në këtë mënyrë, në fokus nuk ishte vetëm zhvillimi i djemve. Edhe profesionistët u ftuan të shqyrtojnë mënyrën se si vetë i interpretojnë sjelljet dhe deklaratat e të rinjve. Sipas Nurit, kjo vetëreflektim është pjesë e punës së ndjeshme ndaj çështjeve gjinore. Albinfo__Driteri

Këshillim dhe trajnim

Për shkollat, mësimdhënësit dhe profesionistët e tjerë, Drejtoria e Arsimit e Kantonit të Cyrihut ofron informacione dhe këshillim në fushën e parandalimit të dhunës. Oferta të tjera ekzistojnë edhe përmes qendrës OH BOY* dhe platformës manosphere.ch, ku gjenden informacione dhe rekomandime për trajtimin e ideologjive të burrërisë dhe radikalizimit online. Albinfo__Driteri

Kontakt për parandalimin e dhunës – Drejtoria e Arsimit e Kantonit të Cyrihut:
Vivian Frei, përgjegjës për parandalimin e dhunës në mjedisin shkollor
Tel. 043 259 53 33
[email protected]

 

---