Kapen tre kosovarë dhe tre serbë të trafikuar

Tre meshkuj kosovarë, pa lejen përkatëse kishin provuar të kalonin nga Belgjika në Gjermani,. Po atë ditë edhe tre shtetas serbë po ashtu përmes një trafikanti kishin provuar të njëjtën gjë

Të enjten, më 24 gusht, rreth orës 1.15 të natës në Aachen janë trafikuar dy persona brenda territorit gjerman. Ndaj njërit prej tyre ka qenë vendosur një ndalim hyrjeje në Gjermani, ndërsa tjetri duhet të përgjigjet vetëm për hyrjen e tashme, të palejueshme në këtë shtet, përmes kontrabandistit, shkruan presseportal.de.

Tri ditë më parë, më 21 gusht në këtë regjion kishte ndodhur edhe një përpjekje për kalim ilegal të kufirit me ndihmën e trafikantëve. Tre meshkuj kosovarë, pa lejen përkatëse kishin provuar të kalonin nga Belgjika në Gjermani, transmeton albinfo.ch. Po atë ditë edhe tre shtetas serbë po ashtu përmes një trafikanti kishin provuar të njëjtën gjë.

Se kontrabandimi me qenie njerëzore nuk tolerohet është parë në rastin e një holandzi 41 vjeçar. Ai është kapur nga Policia Federale pasi që ka trafikuar migrantë gjatë vitit 2016. Për këtë delikt ai është dënuar me 3360 euro gjobë. Por pasi që nuk ka mundur ta bëjë pagesën, dënimi i është shndërruar në mbajtje të 112 ditëve burg.