Kancelari Scholz humb mbështetjen e gjermanëve, sipas një sondazhi

Vetëm 25% e të pyeturve i dhanë Scholz një vlerësim pozitiv, tregoi sondazhi i publikuar sot.

Ka pak kohë që është kancelar i Gjermanisë, por Olaf Scholz, sipas një sondazhi, nuk e ka përkrahjen e shumicës së gjermanëve.

Rreth 62% e qytetarëve në Gjermani janë të pakënaqur me qeverinë e tij, sipas një sondazhi të kryer nga instituti i sondazheve INSA për gazetën ”Bild am Sonntag”, përcjell Albinfo.ch.

Vetëm 25% e të pyeturve i dhanë Scholz një vlerësim pozitiv, tregoi sondazhi i publikuar sot.

Vlerësimi i koalicionit të social-demokratëve të Scholz (SPD), Demokratëve të Lirë pro biznesit (FDP) dhe të Gjelbërve, ishte po aq i dobët

Rreth 65% kishin një vlerësim negativ për punën e qeverisë federale, ndërsa 27% thanë se ishin të kënaqur.

Sondazhi kërkoi një vlerësim të përgjithshëm të punës së koalicionit, jo vlerësim për tema specifike.

Sipas ”Bild am Sonntag”, në një studim të krahasueshëm në fillim të marsit, 46% e të anketuarve ishin të kënaqur me punën e Scholz, ndërsa 39% thanë se ishin të pakënaqur me të.

Rreth 44% thanë se qeveria e koalicionit po bënte një punë të mirë, ndërsa 43% nuk ​​ishin dakord.

Qeveria gjermane nën Scholz është përballur me sfida, si rritja e kostove të jetesës dhe rritja e çmimeve të energjisë, si pasojë e luftës në Ukrainë./Albinfo.ch

---