Kampioni i Zvicrës, Thun, nënshkruan me Dorian Derbacin nga FC Aarau

Reprezentuesi zviceran U21 ka nënshkruar një kontratë me kampionët deri në vitin 2029

FC Thun, ekipi që ka fituar këtë vit titullin e kampionit të suüerligës zvicerane ka ka forcuar mesfushën e vet me nënshkrimin e 20-vjeçarit shqiptar Dorian Derbaci nga FC Aarau.

Reprezentuesi zviceran U21 ka nënshkruar një kontratë me kampionët deri në vitin 2029, me një opsion për një sezon shtesë, siç është njoftuar nga të dy klubet e përfshira në transferim, transmeton albinfo.ch.

Gjatë shtatë viteve të fundit në FC Aarau, Derbaci është bërë një lojtar kyç për ekipin e parë dhe një ndërkombëtar i të rinjve.

Sezonin e kaluar në Challenge League, ai bëri 31 paraqitje, duke shënuar katër gola.

Dorian Derbaci 20 vjeçar, debutoi për ekipin kombëtar zviceran U21 vjeshtën e kaluar.

---