Lajme
Kamala Harris: Mund të jem gruaja e parë në këtë pozitë, por nuk do të jem e fundit
Tashmë, Kamala Harris u shpall mbrëmë zëvendëspresidente e Shteteve të Bashkuara të Amerikës, duke u bërë kështu gruaja e parë që mban këtë pozitë.
Ajo në tubim e parë para amerikanëve si të zgjedhur, foli se çfarë do të thotë ky moment për gratë, shkruan BBC, përcjell albinfo.ch.
Pë pozitën e saj Harris tha se nëna e saj “besoi kaq thellë në një Amerikë, ku një moment i tillë është i mundur”.
Në fjalën e saj Harris tha se po mendon për nënën e saj, e cila e rriti atë dhe motrën e saj, si një nënë e vetme – dhe brezat e tjerë të grave me ngjyrë, aziatike, të bardha, latine dhe vendase, që kanë “hapur rrugën për këtë moment si ky”.
“Ato janë shtylla kurrizore e demokracisë sonë. Këto gra që luftuan 100 vjet më parë për ndryshimin e 19-të, 55 vjet më parë për aktin e të drejtës së votës dhe tani në vitin 2020 si gjenerata e ardhshme e grave hedhin votat e tyre. Sonte reflektoj në luftën e tyre, vendosmërinë e tyre dhe forcën e vizionit të tyre për të parë se çfarë mund të lirohet nga ato që kanë qenë. Dhe unë qëndroj mbi shpatullat e tyre”, shtoi ajo.
Harris vlerësoi Biden për “guximin” për të thyer barrierat dhe për të zgjedhur një grua si nënkryetare të tij.
“Ndërsa unë mund të jem gruaja e parë në këtë zyrë, nuk do të jem e fundit”. Harris përfundoi komentet e saj duke thënë se është gati të shkojë në punë. Ajo dhe Biden do të trajtojnë pandeminë, do të adresojnë çështjet kundër racizmit. Në fund, ajo tha se Biden do të jetë president për të gjithë amerikanët.
E-Diaspora
-
“Më të kërkuarat janë fanellat e Zvicrës dhe ato të Shqipërisë” Pas fanellës së Zvicrës, e dyta më e kërkuar është aktualisht fanella e Shqipërisë, thotë shitësi...
-
Prokuroria kërkon 18 vjet burgim për autorin e vrasjes së Shqiponja Isufit
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Itali, shpallen në kërkim 4 shqiptarë për këto arsye
Jeta në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj Bonusi i klimës do të jepet për të gjithë personat që janë banorë të regjistruar në...
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun