Kajtazi e di se kush e ka sulmuar

Ai është shprehur se e di kush e ka sulmuar dhe se kjo lidhet me shkrimet dhe punën e tij, por nuk ka përmendur emra

Gazetari Vehbi Kajtazi, i cili është sulmuar gjatë ditës në Prishtinë, ka dalë nga QKUK ku ka marr tretman mjekësor pas sulmit fizik, shkruan albinfo.ch.

Ai është shprehur se e di kush e ka sulmuar dhe se kjo lidhet me shkrimet dhe punën e tij, por nuk ka përmendur emra.

“E di kush më ka sulmuar, dhe rasti lidhet me punën time, pra shkrimet e mia. E njoh kush më ka sulmuar, por për shkak të hetimeve nuk mund të flas. Tani pres nga Prokuroria dhe Policia që ta zbardhin rastin”, është shprehur Kajtazi për mediat.

Ai ka shtuar se nuk do të ndalet dhe ky rast nuk e frikëson aspak.

Policia e Kosovës ka shoqëruar gjatë ditës në stacionin policor Faton Ramadanin, si i dyshuar për këtë sulm.

Ai e ka mohuar se e ka sulmuar gazetarin Kajtazi. Policia e Kosovës ka konfirmuar rastin e sotëm, derisa nuk ka dhënë detaje, pasi është në fazën e parë të hetimeve.