Lajme
Ka ngufatur të bijën: 4.5 vjet burgim dhe 10 vjet dëbim për kosovarin
I pandehuri ka shtetësi të Kosovës dhe Serbisë. Ai tani jeton i ndarë nga gruaja e tij dhe pretendon se kishte bërë gjithmonë gjithçka për familjen e tij
Një person që ka ngufatur (asfiksuar) vajzën e tij derisa ajo nuk mund të merrte më frymë, ishte dënuar me 4.5 vjet burgim nga Gjykata e Qarkut e St. Gallenit në vitin 2021. Atij i ishte shqiptuar edhe masa e dëbimit nga Zvicra për dhjetë vjet, transmeton albinfo.ch. Ankesa e tij kundër vendimit tani është refuzuar nga Gjykata Kantonale.
Dhuna është ushtruar gjatë një mosmarrëveshjeje familjare në nëntor të vitit 2019. I pandehuri e kishte rrëzuar vajzën e tij në tokë dhe e kishte ngufatur derisa asaj i qenë errësuar sytë. Vetëm kur gruaja e tij kishte ndërhyrë dhe ia kishte shkëputur vajzën nga duart, ai e kishte lënë të bijën.
Në mars të vitit 2021, Gjykata e Qarkut e St. Gallenit e kishte dënuar burrin për tentativë vrasje me dashje. Duke e konsideruar dënimin të rëndë, ai kishte apeluar dhe kërkuar lirim të plotëshkruan St.galler Tagblatt. Ai, madje, siç shkruan gazeta zvicerane, ka thënë se ka vepruar “ashtu si duhet”, duke ushtruar dhunën e përmendur mbi të bijën
Vajza, mezi mbante mend rrjedhën e saktë të ngjarjeve kur u mor në pyetje para Gjykatës Kantonale, gjatë rigjykimit, përcjell albinfo.ch. Ajo ka deklaruar se është përpjekur ta harronte incidentin dhe të shikonte jetën përpara.
E gjitha që ajo mund të kujtonte ishte se mosmarrëveshja kishte të bënte me sjelljen e vëllait të saj të vogël.
I pandehuri ka shtetësi të Kosovës dhe Serbisë. Ai tani jeton i ndarë nga gruaja e tij dhe pretendon se kishte bërë gjithmonë gjithçka për familjen e tij. Ai nuk mundi të shpjegonte pse vajza dhe gruaja e tij e konfirmuan incidentin.
Avokati i tij mbrojtës ka kërkuar shpalljen e klientit të tij të pafajshëm, duke argumentuar se nuk kishte prova të qarta për krimin. Raporti mjekësor nuk është dëshmi e mjaftueshme për shenjat e ngufatjes.
Gjykata Kantonale e St. Gallenit ka shpallur vendimin e saj me shkrim, transmeton albinfo.ch. Ajo ka hedhur poshtë ankesën dhe në këtë mënyrë ka konfirmuar vendimin e gjykatës më të ulët. Shpenzimet e procesit të ankimimit arrijnë në rreth 13,400 franga dhe duhet të përballohen nga i akuzuari.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?