Kuriozitete
Jeton që 30 vjet në ishull, por tani rrezikon të dëbohet
Ai mbërriti në ishull në vitin 1989 me tre miq dhe të dashurën e tij pasi kishin bërë një udhëtim në Polinezi
Në italian që ka jetuar për gati 30 vite në një ishull të pabanuar të Sardenjës po përballet me një dëbim nga autoritetet.
Mauro Morandi, 79 vjeç, është rojtari jo zyrtar dhe guida turistike e Budelit, pjesë e arkipelagut La Madalena që ndodhet mes Sardenjës dhe Korsikës dhe i famshëm për plazhet shumëngjyrëshe.
Ky ish-mësues fizkulture, i përshkruar si një “Robinson Kruzo” modern nga media italiane, mbërriti në ishull në vitin 1989 me tre miq dhe të dashurën e tij pasi kishin bërë një udhëtim në Polinezi.
“Doja të largohesha nga kjo shoqëri, të cilën nuk e pëlqej dhe të shkoja në një ishull të vetmuar në Polinezi”, tha Morandi për “Radio 24”.
“Por e gjeta Polinezinë time këtu”, vazhdoi ai, transmeton “ATSH”.
Fillimisht, Morandi dhe të tjerët zëvendësuan rojtarët e ishullit, që donin të largoheshin. E dashura e tij dhe dy shokë shumë shpejt u kthyen në shtëpi dhe miku i tretë që qëndroi vdiq në vitin 1993, përcjell albinfo.ch.
Në vitin 2014, Budeli u bë pjesë e Parkut Kombëtar të La Madalena. Administratorët e tij thanë se duhej të shkatërronin shtesat e jashtëligjshme të bëra ndër vite në shtëpinë e Morandit.
“Në janar do t’i kërkojmë të largohet”, deklaroi presidenti i parkut, Fabrizio Fonnesu për të përditshmen “Corriere della Sera”.
“Do të përpiqemi të gjejmë një mënyrë që të bashkëpunojmë me atë në të ardhmen”, vazhdoi ai.
Në profilin e tij në “Facebook”, Morandi ka shkruar se nuk e ka marrë njoftimin për largim, por e ka bërë të qartë se nuk synon të kthehet në shtëpinë e tij në Modena.
“Të kaloj ditët e mia në kafe duke luajtur me letra apo në një klub ‘bowls’? Kjo nuk është për mua”, kishte thënë ai në një intervistë për gazetën “Il Resto del Carlino”.
E-Diaspora
-
Spanjë: Vlerësohet shfaqja “Ëndrrat e Hamletit” e Mentor Zyberajt Mësohet se shfaqja “Ëndrrat e Hamletit”, me regji të Mentor Zyberajt ka marrë vlerësim të lartë...
-
Kanada
Kanada: Tenori me famë botërore, Ramë Lahaj, sjell “Traviata” e Xhuzepe Verdit
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
Jeta në Austri
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik