Japonia mbështet përpjekjet e Kosovës për integrim në BE

Presidentja e Kosovës, Vjosa Osmani, ka pranuar telegram urimi nga Kryeministri i Japonisë, Yoshihid Suga, i cili e ka uruar për detyrën.

Siç bëhet e ditur në një komunikate për media, në këtë telegram kryeministri Suga ka thënë se Japonia i kushton rëndësi të veçantë marrëdhënieve me Kosovën, e cila, sipas tij, luan rol kyç për paqen dhe stabilitetin jo vetëm në Ballkan, por dhe në Evropë.

“Kryeministri japonez ka theksuar në telegram se Japonia aktivisht kontribuon në zhvillimin e vendit tuaj dhe do të vazhdojë ta mbështesë reformat në Kosovës dhe përpjekjet në rrugën evropiane të Kosovës. Më tej Suga ka theksuar se shteti i tij do të vazhdojë bashkëpunimin me Kosovën ne fushën e politikës, biznesit, kulturës dhe sportit”, thuhet në njoftim./kohanet