Lajme
Politikani shqiptar me aftësi të kufizuara nominohet për çmimin e Guximit Qytetar
"Tek unë kombinohen të gjitha karakteristikat që nuk duhet t`i ketë një politikan i suksesshëm: aftësi të kufizuara fizike dhe verbale, sfond migrimi, plus emri `Islam`. Diçka që nuk shkon", thotë ai duke qeshur
Revista “Beobachter” organizon prej shumë vitesh çmimin për guxim qytetar “Prix Courage”. Ndarja e këtij çmimi bëhet me një ceremoni të madhe, me prani të personaliteteve të larta të vendit, në përfundim të çdo viti.
Islam Alijaj është një 35 vjeçar me aftësi të kufizuara nga Cyrihu, i njohur për angazhimin e tij në jetën politike të Cyrihut dhe më gjerë, shkruan albinfo.ch. Ai lufton për barazi për personat me aftësi të kufizuara ndërsa së fundi është nominuar nga revista “Beobachter” për të marrë Prix Courage 2021.
Për të mund të votoni tani në internet.
Islam Alijaj ose “Lomi” siç e quajnë në rrethin e tij miqësor, vuan nga paraliza cerebrale për shkak të mungesës së oksigjenit gjatë lindjes. 35-vjeçari dëshiron që dy fëmijët e tij të rriten në një shoqëri në të cilën babai i tyre nuk perceptohet më si inferior.
Por: “Përfshirja e barabartë është ende shumë larg” thotë ai.
1.7 milion njerëz në Zvicër jetojnë me ndonjë lloj paaftësie, 500,000 prej tyre janë me dëmtime të rëndë. Por vetëm një nga 246 anëtarët e Parlamentit Nacional të Zvicrës është person me aftësi të kufizuara. “Diçka nuk është në rregull atje”, thotë politikani nga Cyrihu, me rrënjë nga Kosova.
Në vitin 2019 ai pati kandiduar për një vend në Parlamentin Nacional, por kishte dështuar të zgjidhej. Ndërkaq, vitin tjetër ai dëshiron të bëhet pjesë e Asamblesë Komunale të Cyrihut, shkruan beobachter.ch.
“Tek unë kombinohen të gjitha karakteristikat që nuk duhet t`i ketë një politikan i suksesshëm: aftësi të kufizuara fizike dhe verbale, sfond migrimi, plus emri `Islam`. Diçka që nuk shkon”, thotë ai duke qeshur. Por në fakt këto janë pikërisht pikat e forta të tij.
Islam Alijaj ka themeluar disa organizata, si për shembull Behindertenpolitik.ch dhe Tatkraft.org, transmeton albinfo.ch. Ato sigurojnë që personat me aftësi të kufizuara të vërehen dhe të kenë fjalën e tyre në politikë dhe shoqëri.
“Tema e aftësisë së kufizuar nuk është ende `sexy`. Më në fund unë dua ta bëj të tillë”, thotë Alijaj. Ai e sheh veten si forcën lëvizëse të ndryshimeve shoqërore, të krahasueshme me lëvizjen feministe ose LGBTQI.
Për Lomin mund të votoni në këtë link: beobachter.ch/prix-courage/nominiert
Të ngjashme
Të tjera nga Lajme
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Austri
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë Lëvizja në një vend të ri mund të jetë sfiduese, por stresi i gjetjes së kujdesit...
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl