Të tjera

Ish-volejbollisti i njohur shqiptar emërohet ndihmëstrajner në Zvicër

Adriatik Kajtazi është emëruar asistent-trajner i klubit të volejbollit prestigjioz zviceran, Volley Schönenwerd

Ish-volejbollisti i Pejës, si dhe një prej lojtarëve më të mirë në kampionatin kosovar, Adriatik Kajtazi, është emëruar asistent-trajner i klubit të volejbollit prestigjioz zviceran, Volley Schönenwerd.

Kajtazi ishte pjesë e Pejës, por në të kaluarën ka luajtur në Katar, Shqipëri, Zvicër, Maqedoni dhe vende të tjera. Në Kosovë është shpallur disa herë si lojtari më i mirë, teksa ka dhënë kontribut të madh në Kombëtaren e Shqipërisë ndër vite. Po ashtu, vitin e kaluar ai ishte edhe ndihmëstrajner i Kombëtares U20 të Kosovës, shkruan faqja e Federatës së Volejbollit të Kosovës, përcjell albinfo.ch.

Volley Schönenwerd është klub me bagazh e traditë të madhe në volejbollin zviceran, aktiv qysh nga viti 1980.

Merita për këtë ka edhe trajneri i mirënjohur shqiptar dhe drejtor sportiv në klubin zviceran, Bujar Dervishaj.