Kosova

Ish-presidenti Thaçi lirohet përkohësisht për vizitë në Kosovë

E shtunë, 2 Shtator 2023 - 18:00 albinfo.ch
Keystone (AP Photo/Astrit Ibrahimi)

Ish-presidentit Hashim Thaçi, me vendim të Gjykatës Speciale në Hagë i është mundësuar lirimi i përkohshëm për ta vizituar në Kosovë babanë, për shkak të gjendjes së rënduar shëndetësore.

Nga Gjykata kanë konfirmuar se vendimi është marrë për “arsye humanitare”.

“Trupi Gjykues për arsye humanitare ka udhëzuar Sekretarinë që të menaxhojë një vizitë paraburgimi në Kosovë, për takimin e Hashim Thaçit me familjen. I akuzuari mbetet në paraburgim dhe nën përcjelljen e Dhomave të Specializuara”, thuhet në njoftim.

Vizita e fundit për Thaçin në Kosovë ishte ajo e muajit maj, për shkak të gjendjes së rënduar të nënës së tij.

 Të tjera nga Kosova

Von der Leyen anashkalon Serbinë dhe Bosnjën në turneun ballkanik, do ta vizitojë Kosovën

 E-Diaspora

 Jeta në Austri