Investitorët anashkalojnë Maqedoninë

Oda Ekonomike të Maqedonisë u rekomandon institucioneve qeverisëse që t’i japin përparësi infrastrukturës, në të kundërtën nuk do të ketë investitorë të huaj

Investitorët e huaj po e anashkalojnë Maqedoninë për shkak të infrastrukturës së dobët rrugore dhe hekurudhore. Kështu theksojnë biznesmenët e Odës Ekonomike të Maqedonisë, të cilët e ndiejnë vetën të hendikepuar për këtë çështje. Sipas tyre, Kosova dhe Shqipëria qëndrojnë shumë më mirë në këtë aspekt.

“Para disa kohësh vizituam me kolegë ‘Xhonson Kontrolls’ dhe vërejtja e parë ishte infrastruktura. Edhe ata thanë se ne shfrytëzojmë si rrugë Korridorin 4 (Bullgari, Rumani, Hungari, Sllovaki), ku kanë fabrika”.

“Më tutje, në Gjermani ateron lënda e parë nga Kina. Prej atje nisen produktet e gatshme. Ata shprehen se jo vetëm infrastruktura e fortë, por edhe ajo e buta është në gjendje të keqe”, tha Lubica Nuri, Oda Ekonomike e Maqedonisë.

Maqedonia, siç thuhet ka mbetur në vendnumërim. Shqipëria e ndërton në mënyrë të shpejtuar infrastrukturën e saj. Sipas Odës Ekonomike Maqedonase, problemi lokalizohet edhe në sjelljen injorante të të gjitha qeverive, pasi përfitimet nga ndërtimi i infrastrukturës shikohet në perspektivën afatgjate.

“Shqipëria tashmë është lidhur me Kosovën dhe ndërtoi rrugë fantastike, me ndihmën e Bankës Botërore, dhe tani negocion me Serbinë për të dalë në Leskovc. Do të thotë, ne jemi anashkaluar edhe mbi këtë bazë, jo vetëm me Korridorin 4”, tha Lubica Nuri, raporton Alsat-M.

Bashkimi Evropian i mbështet thuajse të gjitha projektet infrastrukturore, ndaj “topi”, siç tha Nuri, është të pala maqedonase.