Infermierja argëton pacientët me COVID-19 me violinën e saj

Puna në këtë kohë pandemie, me një numër shumë të madh pacientësh, është sfilistëse për stafin mjekësor.

Teka pjesa më e madhe e infermierëve dhe mjekëve pasi mbarojnë turnet të lodhur kthehen në shtëpi, infermierja Damiras Silva nga Kili merr në duar violinën e saj dhe nis të argëtoj pacientët e sëmurë.

26 vjeçarja, kalon disa orë duke përshkruar të gjithë korridoret e spitalit “El Pino”, e cila ndodhet në një lagje të varfër të kryeqytetit Santiago.

Me violinën e saj, ajo interpreton një përzierje të këngëve të njohura latine, duke argëtuar në këtë mënyrë pacientët e sëmurë me Covid-19.

“Sapo filloj të luaj muzikë, pacientëve i rikthehet buzëqeshja dhe nisin të duartrokasin. Qëllimi im i vetëm është të dhuroj pak dashuri, besim e shpresë me violinën time. Këtë gjë e bëj shpesh, e bëj sepse kështu ma ndien zemra”, është shprehur për mediat vendase Damiras, përcjell albinfo.ch.

Në Kili nga fillimi i pandemisë janë regjistruar 300,000 persona të infektuar me COVID-19, ndërsa 6,000 janë shpallur të vdekur.

https://youtu.be/vygxT_s3RlE