Lajme
I jepet lamtumira e fundit gazetarit Llukman Halili
Llukman Halili ka pasur një rreth shumë të gjerë miqsh e bashkëpunëtorësh, nga të gjitha strukturat dhe nga i gjithë spektri politik i Kosovës dhe më gjerë, gjë që u pa edhe me pjesëmarrjen në varrim
Sot, në Wittikon të Cyrihut, është varrosur gazetari i njohur Llukman Halili. Në ceremoninë e përcjelljes në banesën e fundit, kanë qenë të pranishëm një numër i konsiderueshëm njerëzish, përkundër masave të njohura të mbrojtjes nga koronavirusi.
Për jetën dhe veprën e Llukman Halilit, si gazetar e publicist, ka folur kolegu dhe miku i tij Dashnim Hebibi. Ai ka përkujtuar me këtë rast kontributin që Halili ka dhënë përgjatë viteve për gazetarinë dhe shoqërinë shqiptare, veçanërisht atë në Zvicër.
Mjeku, dr. Dërgut Aliu, i ardhur nga Prishtina, ka lexuar një biografi të të ndjerit, në të cilën ka përmbledhur angazhimin e tij në politikën e Kosovës, Luginës së Preshevës dhe atë të komunitetit shqiptar të Zvicrës.
Ai ka nënvizuar se Llukman Halili ka pasur një rreth shumë të gjerë miqsh e bashkëpunët orësh, nga të gjitha strukturat dhe nga i gjithë spektri politik i Kosovës dhe më gjerë. Kjo u dëshmua në fakt edhe në praninë në ceremoninë e varrimit, të personaliteteve nga të gjithë krahët e politikës shqiptare, që veprojnë në Zvicër, shkruan albinfo.ch.
Shembull i personalitetit unifikues është quajtur Llukman Halili nga dr. Aliu dhe nga të tjerë pjesëmarrës në varrim.
Llukman Halili ka ndërruar jetë më 13 qershor në Zvicër, në moshën 64 vjeçare. Ai ka qenë i njohur si gazetar aktiv dhe i dalluar në RTP-në e atëhershme që nga mesi i viteve `80 të shekullit të kaluar. Më vonë, Halili ka punuar në redaksi të ndryshme, kryesisht në mërgim, në Zvicër.
Dr.sc. Llukamn Halili, i cili jetoi në Zvicër, ka botuar edhe një numër të madh të shkrimeve, si dhe është autor i disa librave dhe punimeve shkencore. Ai njihet si bashkautor i librit “Unë, Ramiz Alia, dëshmoj për historinë”, të cilën e ka shkruar së bashku me Blerim Shalën.
Lluikman Halili ka lënë pas vetes bashkëshorten, Lumen dhe fëmijët Doresa, Daorsi dhe Arta.
Të ngjashme
Të tjera nga Lajme
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?