I jepet lamtumira e fundit mërgimtarës 11-vjeçare nga Italia

Ajo u godit me një furgon, teksa po kthehej në shtëpi me biçikletë

Mërgimtarja 11-vjeçare me inicialet E.B., e cila jetonte në Padova të Italisë, tek po kthehej në shtëpi, duke lëvizur me biçikletën e saj, ditë më parë u godit nga një furgon, duke lënë në gjendje kome për sa ditë në spitalin intensiv në Padova, ku më pas u konfirmua edhe vdekja e saj, transmeton albinfo.ch.

Theksohet se aksident i rëndë kishte ndodhur në Reschigliano, ku si pasojë një 11-vjeçare shqiptare ka humbur jetën. Vajza e vogël u shtrua në spital në kujdesin intensiv pediatrik në Padova, në gjendje shumë të rëndë, duke konstatuar procesin e vdekjes së trurit.

Ditën e martë, vogëlushes 11-vjeçare iu dha lamtumira dhe u përcoll për në banesën e fundit.

Një rast tragjik, dhimbja e të cilit nuk mund të përshkruhet dot për babain e vogëlushes, A.B, mamanë e saj E.B, për vëllain dhe motrën e saj, për komunitetin shqiptar dhe për të gjithë banorët.

---