I dënuar me 4 vjet e 6 muaj, ekstradohet nga Shqipëria në Zvicër

Një shtetas i Kosovës u ekstradua nga Shqipëria për në Zvicër, për shkak se ndaj tij gjykata në shtetin zviceran ka dhënë një dënim prej 4 vite e 6 muaj burg.

Dënimi në fjalë është dhënë për një përmbledhje veprash penale, që kanë të bëjnë më së shumti me grabitjen me dhunë, raportojnë mediat shqiptare.

“Në PKK, Rinas, në dalje, nga Shqipëria për në Zvicër u ekstradua, shtetasi në kërkim ndërkombëtar B.M., vjeç 49, banues Kosovë, pasi Autoritetet e Drejtësisë Zvicerane, e kanë dënuar me 4 vjet e 6 muaj burg për veprat penale “Vjedhje me dhunë”, “Grabitje”, “Dëmtim” dhe “Hyrje e pa ligjshme”, të Kodit Penal Zviceran”, thuhet në njoftim e Policisë së shtetit shqiptar, përcjell albinfo.ch.