Lajme
HRW: Projektligji i ri rus do të zgjerojë censurën në internet
Organizata Human Rights Watch (HRW) po i bën thirrje Parlamentit rus të hedhë poshtë një projektligj të ri, që u jep autoriteteve fuqinë për të bllokuar faqet e internetit, të cilat bllokojnë përmbajtjen e mediave shtetërore ruse.
Organizata thotë se kjo do të rrisë censurën në Rusi.
Anastasia Zlobina, koordinatore për Evropën dhe Azinë Qendrore në HRW, tha në një deklaratë më 23 nëntor se “bllokimi i plotë i platformave në internet të përdorura nga miliona rusë, siç propozon ky projektligj, bën të kundërtën e mbrojtjes së qasjes në informacion”, shkruan rel, përcjell Albinfo.ch.
Projektligji i ri, i cili u paraqit në Parlament më 19 nëntor, parasheh që të ketë një regjistër për “pronarët e faqeve të internetit” që censurojnë “informacione me rëndësi publike”, nëse autoritetet gjykojnë se censura është “diskriminuese ose e bazuar në sanksione ekonomike dhe politike kundër Rusisë”.
Legjislacioni i propozuar autorizon prokurorin e përgjithshëm të urdhërojë bllokim të plotë ose të pjesshëm të faqeve të internetit, nëse ato vazhdojnë të “shkelin” të drejtën e rusëve për qasje në informacion.
Që nga prilli, autoritetet ruse regjistruan të paktën 20 raste, në të cilat platformat në internet si Twitter, Facebook ose YouTube censuruan përmbajtjen nga kompanitë shtetërore të mediave ruse si RT dhe RIA Novosti.
Gjykata Evropiane për të Drejtat e Njeriut në qershor vendosi për katër çështje të ngritura kundër Rusisë, duke thënë se bllokimi i faqeve në internet shkel të drejtën e pronarëve për të dhënë informacion dhe të drejtën e publikut për t’i pranuar ato.
Të tjera nga Lajme
E-Diaspora
-
Shqipja në Zvicër, pak histori dhe disa probleme aktuale Rritja e numrit të folësve të shqipes në Zvicër rrit edhe perceptimin e zviceranëve për rëndësinë...
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
5 monumente të reja në Europë në nder të Heroit Kombëtar
-
Mërgimtaren Fikrije Salihun e rikthen profesioni në atdhe, pas 30 vjetësh
Jeta në Austri
-
Austri: Ministri i Brendshëm kërkon dëbimin në Kosovë të kriminelëve nga vendet e treta “Objeksionet e paraburgimit si ato që Danimarka po planifikon në Kosovë janë gjithashtu pjesë e planit...
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri
-
Dëmet e aksidenteve rrugore arrijnë në miliarda në Austrinë e Epërme