Homazhe në Nju-Jork për policin e rënë gjatë detyrës në Kosovë

Shumë shqiptarë u mblodhën në sheshin “Dag Hammarskjold Plaza”, para ndërtesës së OKB-së, duke ndezur qirinj dhe duke vendosur lule në kujtim të Afrim Bunjakut, përcjell albinfo.ch.

Aty kishte kryesisht mërgimtarë që punojnë dhe jetojnë në Shtetet e Bashkuara të Amerikës, pjesëtarë të këtij komuniteti, ata që zhvilluan homazhe në nderim Afrim Bunjakut, efektivit të policisë së Kosovës, që humbi jetën gjatë sulmit terrorist ndaj rajonit të policisë në Leposaviq të Kosovës.

I pranishëm në këto homazhe ishte dhe ambasadori i Kosovës, Blerim Reka,  Konsulli i Përgjithshëm në New York, së bashku me diplomatët e tjerë të kësaj zyre diplomatike, si dhe Ambasadori i Shqipërisë në Misionin e Përhershëm të Republikës së Shqipërisë në OKB, ambasadori Ferit Hoxha dhe zëvendësambasadorja Albana Dautllari.

Po ashtu pjesëmarrës ishin edhe kryetari i Këshillit Koordinues të Diasporës, zoti Mark Gjonaj, së bashku me disa udhëheqës të shoqatave dhe organizatave, përfaqësues të medias, aktivistë të komunitetit nga zona e Tri-Shteshit.