Kosova
Historia e tre të rinjve mitrovicas që duhet marrë shembull
Tre studentë të Fakultetit të Mjekësisë nga Mitrovica, që të tretë të rinj në moshë, kanë arritur që për 4 vjet angazhim t’i krijonin Mitrovicës 32 ekonomi të ardhshme familjare.
Gzimi, Bujari e Aurori këtë e kanë bërë duke trajnuar falas në lëndët kimi dhe biologji tashmë 4 vjet nxënës të interesuar për pranim në Fakultetin e Mjekësisë, nga tërë rajoni i Mitrovicës, duke përfshirë edhe Vushtrrinë e Skenderajn.
“Bashkë me dy kolegët e mi, Aurorin e Bujarin kemi nisur një iniciativë për të drejtuar të rinjtë mitrovicas për orientimin në karrierë, ku për 4 vjet punë shumë të lodhshme kemi arritur që të trajnonim 32 nxënës të cilët sot janë studentë të mjekësisë dhe nesër mjekë të ardhshëm, rrjedhimisht 32 ekonomi familjare mitrovicase shumë të qëndrueshme, 32 personalitete të reja të formuara ashtu si duhet, 32 mjekë mitrovicas”, thotë Gzim Abrashi për Mitropolin.
Abrashi pohon se synimi i tyre është rikthimi i dinjitetit të dikurshëm qytetit Mitrovicë, duke e shndërruar atë në qytet të mjekëve dhe mjekësisë, me synimin që për pak vjet të nxjerrin 250-300 mjekë të ardhshëm nga trajnimet që ata mbajnë.
“E veç kësaj, ne kemi projekte edhe për profesione të tjera, që besoj se shumë shpejt do t’i realizojmë. Arsimi është e vetmja mënyrë, e vetmja shpresë që Mitrovica të ngjallet, që Mitrovica të bëhet qytet i dashur për banim e i pëlqyer për të gjithë qytetarët e Kosoves”, thotë midis tjerash Abrashi.
Ata këto veprime po i kryejnë në kuadër të organizatës joqeveritare “RINAS”, si një prej organizatave më aktive të Mitrovicës.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Cila është vaksina e rriqrave në Austri dhe a duhet ta merrni atë? Me rritjen e temperaturave dhe fillimin e sezonit të rriqrave, cila është vaksina e Austrisë ndaj...
-
Si të mos ‘përplaseni’ nga një tren austriak i mbipopulluar?
-
Çfarë më lejohet të bëj në ballkonin tim në Austri?
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?