Haradinaj u jep ultimatum banorëve të Hades dhe Shipitullës

Ai deklaroi se banorët e fshatrave duhet ta pranojnë ofertën e tij, të cilën e ka quajtur më shumë se gjeneroze, për shpronësim, ose kërcënoi se ata i pret shpronësimi sipas ligjit dhe puna e bagerit

Kryeministri i Kosovës Ramush Haradinaj pas takimit që ka zhvilluar me menaxhmentin e Korporatës Energjetike të Kosovës dhe përfaqësuesit e fshatrave Hade dhe Shipitullë në të cilin ka marrë pjes edhe kryetari i komunës së Obiliqt, Xhafer Gashi, ka dhënë një ultimatum për banorët po ashtu ka ofenduar ata duke u quajtur matrapaz, transmeton albinfo.ch.

Ai deklaroi se banorët e fshatrave duhet ta pranojnë ofertën e tij, të cilën e ka quajtur më shumë se gjeneroze, për shpronësim, ose kërcënoi se ata i pret shpronësimi sipas ligjit dhe puna e bagerit. Haradinaj paralajmëroi banorët e dy fshatrave se do të humbasin mundësi të mirë për shpronësim, nëse nuk respektojnë që eka vënë deri më 15 dhjetor. “Me qenë se ka disa ditë që shpronësimi ka ngecur, atëherë ka ngecur edhe mihja.

Qeveria më 2 dhjetor e ka miratuar shpronësimin. Vendimi është më gjenerozi që ka mund të merret. Përkundër këtij fakti, hetoj se ekziston një ‘network’ i matrapazëve që këtë gjendje të zhvendosjes dhe krizën energjetike po duan ta shfrytëzojnë me plaçkit në mënyrë të paskrupullt”, tha Haradinaj.

Ndërsa kryetari i Obliliqit ka deklaruar se shumica e banorëve janë pajtuar tashmë. Oda Ekonomike Amerikanë ka paralajmëruar se Kosova mund të përballet me kriz energjetike nga janari nëse çështja e shpronësimeve në këto dy fshatra nuk zgjidhet.