Kosova
Hapet shkolla e parë franceze në Kosovë
Kushtet në këtë shkollë janë shumë të mira dhe nxënësit do të kenë mundësi të mësojnë në kushte profesionale
Të enjten është inauguruar shkolla e parë franceze ndërkombëtare në Prishtinë. Shkolla ka filluar punën nga muaji shtator, derisa është inauguruar zyrtarisht të enjten në Prishtinë, përkatësisht në lagjen ‘Arbëria’ apo ish-Dragodan.
Kushtet në këtë shkollë janë shumë të mira dhe nxënësit do të kenë mundësi të mësojnë në kushte profesionale, shkruan albinfo.ch.
Hapjen e kësaj shkolle e ka bërë, Jean François Le Roch kryetar i shkollave franceze në rajon së bashku me ndihmën e Ambasadës franceze në Prishtinë. Në inaugurim ka marrë pjesë edhe ambasadori francez në Kosovë, ai zviceran, përfaqësues të Ambasadës belge, përfaqësues të Ministrisë së Kulturës në Kosovë, prind e shumë mysafirë të tjerë.
Jean François Le Roch është shprehur shumë i lumtur që edhe në Prishtinë do të ketë një shkollë të tillë. “Unë jam krijues i shkollave. Dhe pika kulminante në këtë profesion është inaugurimi i një shkolle të re. Jam shumë i lumtur edhe për të gjithë ata që kanë kontribuar në hapjen e kësaj shkolle. Dua t’i përshëndes edhe prindërit për besimin që na kanë dhënë. Dua të falënderoj secilën familje. Gjithashtu falënderoj edhe stafin për ndihmën e madhe që kanë dhënë, si dhe ambasadorin francez në Kosovë. Ky është vetëm fillimi, derisa në vitet e ardhshme do të jemi dëshmitarë të privilegjuar të zhvillimit të saj”, është shprehur ai para të pranishmëve.
Edhe ambasadori francez në Kosovë, Didier Chabert është shprehur shumë i lumtur për hapjen e kësaj shkolle, derisa shtoi se është i lumtur që një shkollë e tillë është hapur edhe në Prishtinë, sepse të tilla ka në Shkup, Tiranë, por edhe shumë vende të tjera.
Ky rrjet i shkollave franceze sipas tij ka mbi 430 shkolla.
Fitore Sadiku, drejtoreshë administrative në këtë shkollë është shprehur për albinfo.ch, se fillimisht janë 19 fëmijë, por ky numër pritet të rritet në të ardhmen. Fëmijët janë nga të gjitha nacionalitet pa dallim.
Stafi i shkollës franceze EFIP do të francez. Diploma që merret në këtë shkollë është e ngjashme me ato që jepen në Paris, apo kudo në Francë.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj