Kultura
Hapet ekspozita e Destan Gashit në Baden të Austrisë
Shëtitësit e vreshtarisë dhe vizitorët e Heurigen-Galerisë në Sooss të Badenit e njohin mirë skulpturën prej mermeri me emrin „Peshorja” të Destan Gashit që prej vitit 2004.
Që nga 8 maji i këtij viti janë ekspozuar më se 20 figura të reja në mermer të këtij skulptori në Kopshtin e Skulpturave dhe në Galerinë në Sooss.
Në hapjen e ekspozitës më 8 maj mysafirët e ftuar ishin të mahnitur me skulpturat e reja, me pasurimin e ideve dhe me aftësinë e skulptorit për t’i realizuar në një mënyrë shumë të veçantë.
Destan Gashi prezantoi mbi 20 skulptura në mermer. Meqë ndjek traditën e skulpturës klasike, aktet dhe kokat e vajzave janë tema të preferuara në krijimtarinë e tij artistike. Forma të mbyllura në vetvete, të buta dhe të rrumbullakta, gra krenare me kokën e ngritur lart janë karakteristikë e skulpturave të tij.
Ekspozita do të jetë e hapur deri më 25 maj, çdo ditë prej orës 12.00, hyrja gratis.
Vendi: Heurigen Galerie Plos, Hauptstraße 161, 2504 Sooss, AUSTRI
Destan Gashi
Shqiptar nga Republika e Kosovës, i cili ështe i lindur në fshatin Zoqishtë nga Anadrini, pasi përfundoi shkollën e njohur të artit „Odhise Paskali” në Pejë, studioi fillimisht në Akademinë e Arteve në Bruksel për pikturë (diplomoi më 1978) dhe më pas edhe skulpturë (diplomoi më 1985). Që kur ishte student mori shumë vlerësime e çmime:
• Prix d` Excellence de la Ville de Bruxelles
• Prix de Doutrelon de Try
• Medaille der Stadt Brüssel
Shkollimi: studimet shumëvjeçare mbi natyrën dhe njëkohësisht talenti dhe dashuria e tij për artin e bën atë një skulptor të veçantë.
Destan Gashi është ndër të paktët skulptor bashkëkohor që zotëron ende mjeshtërinë e skulptorit, pra të gurgdhendësit, në kuptimin e mirëfilltë të fjalës. Idetë dhe figurat e tij ai i gdhend direkt në gur, pa modele ose bocete.
Mitet dhe legjendat shqiptare i shërbyen Destan Gashit, sidomos në vitet e fundit, si burim frymëzimi artistik dhe bënë të lindin kështu në atelienë e tij në Himberg skulptura të pashoqe me karakter mistik.
Pamjet: Kometë, mermer i Karrarës, 2013, 96x35x86 cm
Pasion. Mermer i Karrarës, 2010, 57x65x65cm
Vajzë kosovare, mermer nga Vachau, 2014 23x35x95cm
Të ngjashme
Të tjera nga Kultura
E-Diaspora
-
Hobi i veçantë i Egzonit që po mirëpritet në rrjetet sociale Egzoni (29) nga Aargau jeton me distrofi muskulare – një sëmundje që vazhdimisht i dobëson muskujt....
-
Në Vjenë festohet 17-të vjetori i Pavarësisë së Kosovës
-
Shqiptarja nga Kosova, inxhiniere softuerike në “NETFLIX”
-
Vjenë: Një recital i shkëlqyeshëm me piano nga Kosti Deti
-
Albania School “Pjetër Budi” në Liverpool organizon koncert festiv për festën e Pavarësisë së Kosovës
Jeta në Austri
-
Turizmi austriak po rimëkëmbet pas pandemisë Pesë vjet pasi pandemia e Covid solli ndalesë në industrinë e turizmit të Austrisë, udhëtimet jo...
-
Austri: Dështimi i bisedimeve të koalicionit do të sjellë lehtësim për të huajt dhe punëtorët
-
Austri: Çka dihet për sulmin me thikë që la një të mitur të vdekur?
-
Austri: Një milion shishe dhe kanaçe u kthyen sipas skemës së re Pfand
-
Sulm brutal në Austri: Një sirian godet me thikë kalimtarët, mbetet i vdekur një 14 vjeçar