Gripi po përfshin Zvicrën

Ndërkohë që numri i rasteve me Covid është i qëndrueshëm për momentin, një numër në rritje i personave po preken nga gripi, edhe pse sezoni i gripit sapo ka filluar, përcjell albinfo.ch.

Simon Ming, zëdhënësi i Zyrës Federale të Shëndetit Publik u tha mediave zvicerane të dielën se numri i infeksioneve me grip po rritet “drastikisht” dhe është më i lartë se në të njëjtën kohë në vitet e mëparshme.

“Ne presim një valë më të fortë gripi”, tha Huldrych Günthard, një infektiolog në Spitalin Universitar në Cyrih, duke shtuar se mjekët presin “numër mbi mesataren e rasteve të rënda të gripit”.

Ai shpjegoi se lloji aktual nuk është domosdoshmërisht më i rrezikshëm se ai i mëparshëm, por maskat e mbajtura gjatë pandemisë parandaluan jo vetëm përhapjen e koronavirusit, por edhe gripit.

“Kjo është arsyeja pse ne nuk kemi parë asnjë virus gripi në dy vjetët e fundit”, tha Günthard. “Megjithatë, pa masat mbrojtëse, ky dhe viruse të tjera të frymëmarrjes tani kanë frenim të lirë dhe njerëzit po sëmuren”.