Grezda flet pas debutimit si titullar

Eros Grezda për herë të parë e ka nisur një ndeshje nga fillimi për Rangers

Futbollisti shqiptar, Eros Grezda, po e dëshmon veten gjithnjë e më shumë në Rangers.

Tashmë Grezda po ka më shumë minuta, derisa në ndeshjen ndaj St. Mirren ishte nga minuta e parë, për herë të parë në këtë sezon, shkruan albinfo.ch.

Rangers në fund fituan 2:0, duke vazhduar ngritjen në tabelë. Grezda foli pas ndeshjes.

“E shijova që luajta me ekipin. Ishte pak e vështirë për shkak të shiut dhe erës së fortë, por në fund ishte shumë e rëndësishme që morëm tre pikët. Kundërshtarët u mbrojtën mirë, por pas goli të parë loja u bë më e lehtë. Ishte një pjesë e parë e vështirë, edhe e dyta gjithashtu. Duhet të gjenim shumë hapësira dhe arritëm ta bënim”, është shprehur Grezda.

Ai bën dallimin mes Kroacisë dhe Skocisë. “Midis futbollit në Kroaci dhe këtij në Skoci ka disa ndryshime. Në Kroaci luhej më shumë teknikisht, ndërsa këtu ka më shumë agresivitet dhe shpejtësi. Skocia është më mirë për mua”, u shpreh Grezda.

 

---