Lajme
Greqia pezullon nga puna mijëra punëtorë shëndetësorë të pavaksinuar
Mbi 6.500 punonjës të kujdesit shëndetësor dhe 500 anëtarë të shërbimit të ambulancave në Greqi janë pezulluar nga puna, sepse nuk janë vaksinuar plotësisht kundër COVID-19.
Ministri grek i Shëndetësisë, Thanasis Plevris, bëri me dije se fakti që 400 punonjës të kujdesit shëndetësor morën vaksinën gjatë ditës së hënë, disa ditë para afatit, tregoi se vendimi i qeverisë për t’i bërë vaksinimet të detyrueshme për punonjësit e spitaleve po jepte efekt.
Duke u përpjekur për të lehtësuar çdo pasojë në sistemin shëndetësor, qeveria tha se legjislacioni do të ndryshohet për të lejuar që punonjësit të kthehen menjëherë në vendet e tyre të punës për sa kohë që ata marrin dozën e parë në ditët në vijim, po ashtu të rikthehen edhe ata që kanë marrë të paktën një dozë, transmeton Euronews, përcjell Albinfo.ch.
Vendimi i qeverisë greke për të pezulluar ata persona të shëndetësisë të pavaksinuar me të dyja dozat shkaktoi protesta në shtetin fqinj.
Sipas autoriteteve, deri në 1 shtator të gjithë punonjësit e sektorit të shëndetësisë, mjekë dhe infermierë, duhet të ishin vaksinuar plotësisht, por jo të gjithë iu bindën këtij vendimi.
Rreth 53 për qind e popullsisë greke është plotësisht e vaksinuar dhe autoritetet shpresojnë të kapin shifrën 70% përgjatë muajve të vjeshtës.
Greqia të enjten raportoi 2.840 raste të reja me covid dhe 33 viktima.
E-Diaspora
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen Derisa procesi i regjistrimit të popullsisë në Kosovë ka hyrë në javën e fundit, kryeministri Albin...
-
ASK: Mbi 1.4 milionë qytetarë të regjistruar, mbi 400 mijë nga diaspora
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë