Maqedonia

Greqia mund të luajë rol në zhvillimin ekonomik të Maqedonisë

E premte, 29 Mars 2019 - 19:20 albinfo.ch

Kryeministri i Greqisë, Aleksis Cipras, është takuar në Selanik me rreth 40 biznesmenë nga Greqia e Veriut në një konferencë me temën “Perspektivat zhvillimore të bizneseve nga Greqia e Veriut sipas Marrëveshjes së Prespës”.

Ai ka deklaruar se Greqia mund të luajë rol udhëheqës në zhvillimin ekonomik të Maqedonisë së Veriut.

Cipras u bëri thirrje biznesmenëve grekë që t’i shfrytëzojnë mundësitë e krijuara me marrëveshjen dhe u ka thënë se Qeveria, me iniciativat e saj, do të krijojë parakushte përkatëse, përcjell albinfo.ch

Në lidhje me reagimet për zgjidhjen në mes dy shteteve, kryeministri grek e ka theksuar nevojën që të gjitha palët të funksionojnë në bazë të interesave kombëtare.p