Graubünden: Arrestohen një shqiptar dhe një zviceran me mbi 1.5 kilogram kokainë dhe heroinë

Fillimisht ata u kapën me sasi të vogla droge por gjatë bastisjeve të mëvonshme në shtëpi, u sekuestruan gjithsej mbi 1.5 kilogramë drogë

Në fillim të korrikut, policia kantonale e Graubündenit arrestoi dy persona të dyshuar si tregtarë droge në Domat/Ems dhe Chur.

Gjatë arrestimeve dhe bastisjeve të mëvonshme në shtëpi, u sekuestruan gjithsej mbi 1.5 kilogramë drogë, transmeton albinfo.ch.

Si pjesë e një hetimi të përbashkët nga policia kantonale e Graubündenit dhe zyra e prokurorit publik të Graubündenit, një burrë 22-vjeçar shqiptar u arrestua në Domat/Ems, shkruan polizeinews.ch. Në kohën e arrestimit të tij, ai mbante me vete afërsisht 100 gramë kokainë dhe 20 gramë heroinë. Gjatë një bastisjeje të mëvonshme në banesën e tij, policët sekuestruan edhe 895 gramë kokainë dhe 140 gramë heroinë.

Në Chur, policët e qytetit kanë ndaluar pastaj një burrë 37-vjeçar zviceran. Ata zbuluan afërsisht 24 gramë kokainë, 18 gramë heroinë dhe një sasi të vogël baze kokaine. Një kontroll i mëvonshëm në shtëpi çoi në sekuestrimin e 339 gramë të tjerë heroinë.

Të dy personat janë në paraburgim.

(Foto: Kapo Graubünden)

---