Golashënuesi më i ri i Europës do të luajë për FC Kosova

Në ligën e katërt më të lartë zvicerane, tek FC Kosova Zurich luan një profesionist me një të kaluar në ekipet zvicerane GC, Basel dhe Galatasaray

Super talenti Endogan Adili (24) dëshiron të fillojë përsëri me futboll, pas tre lëndimeve të ligamentit.

Ishim duke shikuar një lojtar 16-vjeçar të GC, i cili brohorsite gjatë festimit të golit. Endogan “Erdi” Adili shënon golin e tij të parë në Super League zvicerane, më 13 maj 2010, në Brügglifeld, në fitoren 4:1 të GC kundër Aarau. Në atë kohë, nxënësi i shkollës së mesme nga Zurich-Altstetten kishte vetëm 15 vite e 286 ditë.

“Kjo ishte unike në Aarau, nuk do të harroj gjatë gjithë jetës sime, isha vetëm një fëmijë, vrapova nëpër gjithë fushën”, pohon Adili tetë vite më vonë për “Blick”, përcjell Albinfo.ch.

Atëbotë ai ishte 1.65 m i gjatë, peshonte 54 kg. Atij ende nuk i lejohej të fliste pasi kishte ndalesë për intervista nga GC.

Që nga kjo mbrëmje e paharrueshme, Adili llogaritet si golashënuesi më i ri në Europë. Asnjë futbollist më i ri nuk ka shënuar në ndonjë ligë që nga Lufta e Dytë Botërore, transmeton më tej Albinfo.ch.

Tetë vite më vonë, Adili para “La Stanza” në Paradeplatz të Cyrihut ndet një Mercedes SUV që i shkon përshtati. Nuk është befasi për një profesionist që nënshkroi një kontratë pesëvjeçare e gjysmë me Galatasaray, në Stamboll në vitin 2015. Tani atij i lejohet të flasë. Në këmishën e tij shkruan “Journey”. Udhëtim. Sa e përshtatshme. Ai ka udhëtuar shumë viteve të fundit. Dhe që nga ky sezon ai luan për FC Kosova, në ligën e katërt më të lartë në Zvicër. Ai ka shumë për të rrëfyer. Të gjithë 90 minutat e gjatë.

 

---