Goditet me mjete zjarri Gjykata Penale e Zvicrës

Indikacion që çon në drejtim të të dyshuarve është slogani në një mur të ndërtesës ku mund të lexohet: "digjini gjykatat dhe poshtë shteti"

Natën në mes të të dielës dhe të hënës në një hyrje të ndërtesës së Gjykatës Penale Federale në Bellinzona të kantonit të Tesinës, është hedhur lëndë zjarri. Zjarri është shuar shpejt dhe nuk ka shkaktuar dëme në njerëz, ndërsa nuk është kapur asnjë i dyshimtë për veprën, shkruan drs.ch.

I vetmi indikacion që çon në drejtim të të dyshuarve është slogani i shkruar në italishte në një mur të ndërtesës ku mund të lexohet: digjini gjykatat dhe poshtë shteti”. Autore e sloganit është lëvizja e quzajtur „Anarchisten-A”.

Në një qytet tjetër tesinez, në Lugano në paraditen e sotme para Konsullatës Italiane është gjetur një valixhe e dyshimtë. Pas evakuimit të rrethit të afërt është bërë shpërthimi i kontrolluar i valixhes, me ç`rast ajo ka rezultuar e zbrazët.