Gjermania merr masa për reduktimin e gazit rus

Berlin po ofron miliarda euro financim për të mbështetur reduktimin në përdorimin e gazit për energji dhe industri

Ministri gjerman i Ekonomisë, Robert Habeck, ka njoftuar se po përgatit masa për të frenuar konsumin e gazit natyror dhe për t’u larguar nga furnizimet tashmë të reduktuara të gazit rus, raporton agjencia gjermane të lajmeve dpa.

Sipas tij, qeveria në Berlin po ofron miliarda euro financim për të mbështetur reduktimin në përdorimin e gazit për energji dhe industri.

“Objektet e magazinimit gjithashtu do të mbushen më tej përpara fillimit të dimrit”, tha ai, transmeton Rel, përcjell Albinfo.ch.

Thuhet se termocentralet me qymyr do të ndihmonin në kompensimin e mungesës.

Një projektligj i miratuar nga Qeveria gjermane siguron që termocentralet me qymyr që ishin planifikuar të mbylleshin më parë të mbeten në gjendje funksionale.

 

---