Shëndetësi
Gjermania e interesuar për infermierët kosovarë, lidh marrëveshje me Kosovën
Gjermania ka nevojë për rreth 70 mijë infermierë dhe këtë mungesë mund ta kompensojë vetëm me ardhjet nga vendet e tjera.
E vendi i parë që ky shtet ka zgjedhur të nënshkruajë marrëveshje bashkëpunimi në fushën e shëndetësisë është Kosova.
Kështu deklaroi sot në Prishtinë ministri i Shëndetësisë së Gjermanisë, Jens Spahn, pas nënshkrimit të marrëveshjes për bashkëpunimin Kosovë-Gjermani në fushën e shëndetësisë, e cila shihet si një mundësi për modernizimin e sistemit shëndetësor në Kosovë, raporton KosovaPress.
Spahn tha se sfidat për sektorin e shëndetësisë në Kosovë dhe gjerman janë të ndryshme, pasi vendi nga vjen ai ka popullsinë më të vjetër, teksa Kosova e ka popullsinë më të re. E sipas tij, janë pikërisht këto dallime që nxisin bashkëpunim të mirëfilltë mes të dyja vendeve.
Krahas nevojës së shtetit gjerman për infermierë nga jashtë, ai tha se janë të interesuar të ndihmojë për shkolla sa më cilësore profesionale në Kosovë, si dhe në përshpejtimin e procedurave të vizave për infermierët nga Kosova.
Ai tha se do të ishte mirë që diplomat e infermierisë të njiheshin më lehtë në Gjermani, pasi kjo e fundit ka nevojë për ardhje të ekspertëve të fushës së infermierisë.
Ministri i Shëndetësisë, Uran Ismaili, tha se me nënshkrimin e kësaj marrëveshjeje vendosen themelet e një bashkëpunimi të mirëfilltë të nevojave të dy shteteve.
Ai bëri të ditur se nga qeveria gjermane kanë marrë zotimin për dy nga pikat më kyçe të sistemit të tyre e që janë: menaxhimi spitalor dhe sigurimet shëndetësore.
Ndryshe, vizita e ministrit gjerman Spahn në Kosovë vjen pas takimit që ministri Ismaili kishte me të në Berlin vitin e kaluar. Ndërkaq kjo është hera e parë që një ministër gjerman i Shëndetësisë viziton Kosovën, përfundon KP.
Të ngjashme
Të tjera nga Shëndetësi
E-Diaspora
-
Osmani: Mërgata, urë lidhëse mes Kosovës e Zvicrës Presidentja e Kosovës, Vjosa Osmani, ka pritur në takim ndihmës sekretaren e shtetit dhe shefen e...
-
Floriani 10 vjeçar bën selfie me Xhakën, i kushtoi babait të tij 2600 franga
-
Detaje nga rasti kur një shtetas nga Kosova vrau pronarin e biznesit në Dyseldorf
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
Jeta në Austri
-
Austri: Përmbledhje e lajmeve të fundit të ditës së sotme Innsbruck me kryebashkiak të ri, SPÖ e qendrës së majtë zbulon planin për të financuar propozimin...
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja