Gjenevë: Treni ndërkufitar i rrit kostot e strehimit afër stacioneve

Lidhja hekurudhore po bën që qiratë dhe çmimet e pronave në afërsi të 45 stacioneve të trenit të rriten me 8 deri në 9 përqind

Kur Léman Express u përurua në dhjetor 2019, qëllimi i tij kryesor ishte të lidhë Gjenevën me qytetet fqinje franceze dhe të sigurojë një udhëtim më të shpejtë për punëtorët ndërkufitarë, përcjell albinfo.ch.

Megjithatë, sipas Tribune de Genève (TDG), lidhja hekurudhore po bën që qiratë dhe çmimet e pronave në afërsi të 45 stacioneve të trenit të rriten me 8 deri në 9 për qind – një rritje më e madhe se diku tjetër.

Çmimet u rritën në departamentet franceze të Haute-Savoie dhe Ain, si dhe në kantonet zvicerane të Gjenevës dhe Vaud, të cilat shtrihen të gjitha përgjatë shtegut 230 km të Léman Express. /Albinfo.ch

---