Gjeneva dhe Bazeli do të votojnë për çështjet e taksave

Të dielën votohet taksa në dy kantonet qytete të mëdha të Zvicrës

Këtë të diel votohet taksa në dy kantone. Në Gjenevë, çështja është nëse aksionarët e mëdhenj duhet të paguajnë më shumë taksë mbi fitimet e tyre, përcjell albinfo.ch.

Aleanca e krahut të majtë, e cila nisi këtë referendum, po kërkon votën “po”, ndërsa autoritetet thonë se miratimi i këtij propozimi do ta bënte Gjenevën më pak tërheqëse për bizneset dhe shumë mund të zgjedhin të largohen nga kantoni.

Në Kantonin e Bazelit (Basel-Stadt) votuesit do të vendosin për shkurtimet e propozuara të taksave, të cilat do të ofrojnë lehtësim financiar për të gjithë taksapaguesit.

Socialistët dhe të Gjelbërit po kërkojnë votën “jo”, sepse ata pretendojnë se paketa e taksave është e pabalancuar dhe fituesit më të mëdhenj, si dhe të pasurit do të përfitonin më shumë se individët dhe familjet me të ardhura të ulëta dhe të mesme.

 

---