Lajme

Gjenden mbetje mortore në Prizren, dyshohet të jenë nga lufta e fundit në Kosovë

E diel, 20 Mars 2022 - 10:20 albinfo.ch

Mbetje mortore që dyshohet të jenë nga lufta e fundit në Kosovë, janë gjetur dje në Prizren.

Siç njofton policia, punëtorët e Eko Regjionit, gjatë gërmimit për të hapur një varr në varrezat myslimane në qytetin e Prizrenit, kanë hasur në mbetje mortore të një kufome, e cila ishte e mbështjellë me rroba dhe një batanije.

“Dyshohet se mbetjet mortore i takojnë periudhës së luftës së fundit në Kosovë. Në vendin e ngjarjes kanë dalë njësitë përkatëse policore, si dhe për rastin është njoftuar prokurori i shtetit”, thuhet në raportin e policisë.

Tërheqja e mbetjeve mortore është bërë nga njësia e krimeve të luftës.

 Të tjera nga Lajme

Austria kryeson investimet e huaja në Shqipëri gjatë gjysmës së parë të 2026-s

 E-Diaspora

 Jeta në Austri