85,000 punëtorë nga ky shtet udhëtojnë çdo ditë për në punët e tyre në Gjenevë

Gati gjysma e punëtorëve francezë që jetojnë pranë kufirit zviceran janë të punësuar në Gjenevë

Gati gjysma e punëtorëve francezë që jetojnë pranë kufirit zviceran janë të punësuar në Gjenevë. Kjo për shkak se kompanitë franceze nuk mund të përputhen me pagat që këta njerëz marrin në Zvicër, njofton albinfo.ch.

Sipas një raporti të televizionit SRF të Zvicrës, më shumë se 44 për qind e shtetasve francezë që jetojnë pranë kufirit zviceran punojnë në Gjenevë.

Këto shifra bazohen në një raport të Institutit Francez për Statistikat dhe Studimet Demografike.

Rreth 85,000 punëtorë udhëtojnë për në punët e tyre në Gjenevë çdo ditë nga rajonet e afërta franceze të Haute-Savoie dhe Ain.

Këta punonjës – të quajtur frontalis – preferojnë të punojnë në Zvicër, sepse mund të fitojnë deri në dyfishin e pagës që do të merrnin në Francë për të njëjtën punë. Gjithashtu, taksat janë më të ulëta në Zvicër sesa në Francë.

Kjo përbën një problem për kompanitë franceze që ndodhen pranë kufirit, pasi nuk mund të gjejnë personel.

---