Kosova
Fshihnin marihuanë në dyer, për ta dërguar në Zvicër
Policia e Kosovës arrin të arrestojë dy nga të dyshuarit në regjionin e Gjakovës në aksionin e koduar “Lozana”, kurse dy të dyshuarit tjerë mbeten në arrati
Në emisionin “Drejtësia në Kosovë” të rubrikës ‘Policia’ u transmetuan filmimet ekskluzive nga aksioni i Policisë së Kosovës në disa regjione të Kosovës.
Policia arrin të arrestojë dy nga të dyshuarit në regjionin e Gjakovës në aksionin e koduar “Lozana”, kurse dy të dyshuarit tjerë mbeten në arrati, shkruan ‘Kallxo.com’.
Gjatë këtij aksioni të zhvilluar Policia arrin të zbulojë në Prizren dhe Ferizaj 131 kilogramë substancë narkotike të llojit marihuanë, përcjell albinfo.ch.
Xhirimet ekskluzive tregojnë se të dyshuarit kanë arritur ta maskojnë marihuanën nëpër dyer. Sipas informatave të Policisë këto dyer pritej të transportoheshin në shtet perëndimore. Marihuana ishte maskuar në dyer dhe dyshohet se destinacion e kishte Zvicrën.
I gjithë aksioni në Prizren, Ferizaj dhe në katër lokacione në Gjakovë zhvillohet në koordinim të plotë me Prokuroritë dhe Gjykatat përkatëse.
Siç tregojnë pamjet e filmuara në të dy lokacionet, në Prizren e Ferizaj janë konfiskuar gjithsejtë 315 paketime me peshë totale prej 130 kg e 649.3 gramë.
Në Prizren është kontrolluar një depo me 10 dyer ku dyshohej për fshehje të narkotikëve. Gjatë kontrollit në brendësi të dyerve nga druri janë gjetur: 144 paketime me nga 400 gramë secila, me peshë totale rreth 59 kg e 453.12 gram substancë e dyshuar narkotike e llojit marihuanë.
Policia në vazhdën e hetimeve të tyre arrijnë të identifikojnë një lokacion- depo të dytë në rajonin e Ferizajt dhe gjatë kontrollit në depo gjejnë 11 dyer ku po ashtu dyshohej për fshehje të narkotikëve.
Filmimet tregojnë se në këtë rast në brendësi të dyerve nga druri janë gjetur 171 paketime rreth 400 gram secila, me peshë totale rreth 71 Kg e 196.2 gram substancë e dyshuar narkotike e llojit marihuanë.
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri