Lajme
Fshati në Austri, ku banorët jetojnë nga riciklimi i mbeturinave
Dikur një kapanon ushtarak, ky vend tani quhet komuniteti Kambium. 60 persona u zhvendosën këtu në Fehring, jo larg qytetit të Gracit, duke ngritur një laborator jetësor, përmes praktikave të riciklimit dhe ripërdorimit.
I mbështetur nga BE, strategjia kryesore e jetesës së këtij komuniteti konsiston në përforcimin e ndërlidhjes së lëndëve të ndryshme. Një prej praktikave të tyre quhet “Bio-Majler”, një stok përbërjesh drusore, i përbërë nga mbeturinat e zdrukthtarisë.
“Nëse gërmon këtu, mund ta ndjesh se përbërja është shumë e ngrohtë. Sot ju nuk mund ta shihni avullin që ngrihet, sepse është shumë ngrohtë jashtë. Por kjo ngrohtësi kanalizohet në një sistem shtëpiak dhe përdoret për të ngrohur shtëpinë tonë të gjelbër”, tha Cosmo Atef, banor i komunitetit Kambium.
E ngrohur edhe përmes një “muri natyral”, i ndërtuar me materiale lokale, shtëpia e gjelbër është jetike për pastrimin e ujërave të zeza nga tualetet, lavatriçet dhe lavamanët.
“Kjo zgjidhje e bazuar te natyra do të thotë se bimbët dhe mikro-organizmat në këtë nënshtresë punojnë për ne. Nuk na duhen energji shtesë për të pastruar ujin dhe i jemi përshtatur një zgjidhjeje efikase, ekologjike, të qëndrueshme dhe socialisht të pranueshme, që na lejon të pastrojmë ujin dhe ta ripërdorim atë”, tha Marco Hartl, inxhinier ambienti.
Uji i rifituar përdoret për të ujitur kopshtet bimore, të plehëruara me fertilizues të lëngshëm, që nxirret nga fabrika e vogël e mini-biogazit.
Rezultati është 70 kultura të ndryshme, që ushqejnë banorët dhe mbyllin ciklin e ripërdorimit, pasi përfundojnë në enët e tyre dhe riciklohen sërish./euronews
E-Diaspora
-
Blick: Shaqiri dëshmon sërish pse Zvicra nuk mundet pa të Gazeta zvicerane shkruan se nëse ka pasur dyshime që Përfaqësuesja e Zvicrës në futboll nuk bën...
-
Olti Hyseni, 16-vjeçari shqiptar që po mahnit Danimarkën
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Austri
-
Përmbledhje e lajmeve më të fundit nga Austria Ministria e Integrimit do të përcaktojë ‘kulturën austriake’, grevë në Austrian Airlines dhe më shumë lajme...
-
Anulohen fluturimet Vjenë-Shkup dhe anasjelltas
-
Ministrja austriake e Drejtësisë: Austria do ta mbështesë Kosovën për anëtarësim në Këshillin e Evropës
-
Austri: Priten deri në 400 anulime të fluturimeve për shkak të grevës
-
Sllovenia pret rritjen e numrit të sirianëve për në Austri e Gjermani