Francë: Këshillohet mbajtja e maskave në transportin publik

Megjithëse mbajtja e maskës nuk është e detyrueshme, ministrja megjithatë, apelon duke ju referuar "detyrës qytetare"

Ministrja franceze e Shëndetësisë Brigitte Bourguignon u kërkon qytetarëve që të mbajnë maska ​​përsëri kur shfrytëzojnë transportin publik, transmeton albinfo.ch. Arsyeja është një valë e re e koronës, e cila po nxitet nga variantet e reja të sëmundjes, thotë Bourguignon.

Megjithëse mbajtja e maskës nuk është e detyrueshme, ministrja megjithatë, apelon duke ju referuar “detyrës qytetare”, shkruan srf.ch.

Sipas saj, maskat, përveç në transportin publik, do të duhej të vihen sërish edhe në vende pune dhe në dyqane.

Vende të ndryshme, në mesin e të cilave edhe Gjermania, janë duke shqyrtuar kthimin e detyrimit të maskës në vende publike, gjatë vjeshtës që vjen.

---