Franca planifikon masa të reja kundër Covid19

Keystone

Qeveria franceze pritet të njoftojë sot kufizime të reja për të kundërshtuar rritjen e infeksioneve të koronavirusit.

“Situata po përkeqësohet më shpejt në disa rajone, se sa në të tjerat”, tha zëdhënësi i qeverisë, Gabriel Attal, pas takimit javor të kabinetit.

“Ka një presion të madh në spitalet e disa rajoneve”, shtoi ai.

Kufizime të ndryshme në lidhje me takimet, orët e hapjes së bareve ose konsumit të alkoolit, janë vendosur në qytetet kryesore, si Marsejë, Bordo dhe Lion, javët e fundit.

Deri më tani masa të tilla nuk janë vendosur në Paris, por kryeqyteti ka një nga nivelet më të larta të infeksionit në gjithë vendin, sipas buletinit të fundit javor nga Agjencia Kombëtare e Shëndetit Publik.