Franca dhe Zvicra, më së shumti të huaj

Të dielën do të ballafaqohen Franca dhe Zvicra në Grupin A. Francezët kanë siguruar kualifikimin, derisa zviceranët me fitore do të ishin në vendin e parë, kurse barazimi ia siguron vendin e dytë. Por, kjo ndeshje ka edhe një të veçantë tjetër, shkruan albinfo.ch.

Franca ka më së shumti lojtarë që kanë lindur në shtete tjera, ose që kanë prejardhje nga shtete tjera, duke përfshirë këtu edhe prindërit që kanë lindur jashtë Francës. Madje, përqindja është e madhe. 65 % e ekipit francez është i ‘huaj’ sipas “swissinfo.ch”, përcjell albinfo.ch.

Në vendin e dytë ndodhet Zvicra, ku vetëm 38 % janë zviceranë, derisa 17 % janë nga Kosova. Te Zvicra gjashtë futbollistë luajnë shqiptarë. 12 nacionalitete janë në Përfaqësuesen e Zvicrës që gjithsej ka 61 % të huaj. Në vendin e tretë ndodhet Shqipëria, që gjithashtu ndodhet në Grupin A. Në Kombëtaren shqiptare të gjithë futbollistët janë shqiptarë, por këtu hyjnë ata që kanë lindur në shtete tjera dhe nuk janë pak.

Pas Shqipërisë janë Belgjika, Anglia, Portugalia e kështu me radhë, kurse Rumania nuk ka asnjë të huaj, që gjithashtu është pjesë e Grupit A.

Pra, kjo renditje është bërë në bazë të migrimit të lojtarëve, të prindërve të tyre dhe pasardhësve.