Ford tërhoqi 775 mijë vetura për shkak të një problemi në timon

Ford ka vendosur të tërheqë 775 mijë modele Explorer SUV në gjithë botën për shkak të një problemi në timon.

Me operacionin e tërheqjes që mbulon modelet Explorer të prodhuara midis 2013 dhe 2017, pritet që 676 mijë e 152 automjete të tërhiqen nga rrugët e SHBA-së, 59 mijë e 935 automjete nga Kina dhe 38 mijë e 600 automjete nga pjesa tjetër e botës.

E gjithë kjo pas një aksident trafiku që rezultoi me gjashtë të lënduar në SHBA, raporton CNN.

Nga ana tjetër, prodhuesi amerikan njoftoi gjithashtu një tërheqje për modelin F-350 Super Duty, i cili u prodhua në tregun e Amerikës së Veriut me 35 mijë njësi më 2020-2021.

Thuhet se operacionet e tërheqjes së Ford përfshijnë gjithashtu 41,000 modele Lincoln Aviator të prodhuara më 2020-2021.