Fluks i ardhjeve, pritje mbi 1 orë në pikëkalimet kufitare

Foto nga arkivi

Qendra Kombëtare për Menaxhim Kufitar ka bërë një përditësim rreth gjendjes në pikëkalimet kufitare.

Sipas këtij përditësimi, më së shumti pritje ka në Merdar. Në hyrje të kësaj pike pritjet po zgjasin 1 orë, e në dalje nga 1 orë deri në 1 orë e 20 minuta, shkruan albinfo.ch.

Pritje 1-orëshe ka edhe te Dheu i Bardhë, në dalje. Kolona është 400 metra.

Në pikëkalimet kufitare Kullë, Qafë e Morinës dhe Qafë e Prushit pritjet janë nga 5-10 minuta.

Pritjet në pikëkalimet e tjera janë 3-5 minuta.