Futboll
Federata zvicerane konfirmon zhvillimin e ndeshjes miqësore në Cyrih
Pra, takimi ndërmjet Shqipërisë dhe Kosovës do të zhvillohet më 29 maj në Cyrih nga ora 20:00
Takimi miqësor ndërmjet Shqipërisë dhe Kosovës do të zhvillohet në Zvicër, ashtu siç ishte planifikuar në fillim, edhe pse më pas ishte anuluar nga Federata Zvicerane.
Megjithatë, kjo e fundit për albinfo.ch ka treguar se është arritur marrëveshja për zhvillimin e këtij takimi.
“Ne kemi arritur marrëveshje që ndeshja miqësore ndërmjet Kosovës dhe Shqipërisë të zhvillohet në Zvicër”, thuhet në përgjigjen për albinfo.ch, nga zyra e mediave të Federatës zvicerane.
Marrëveshjen e arritur e kanë konfirmuar edhe Federata e Futbollit të Kosovës dhe ajo e Shqipërisë.
Pra, takimi ndërmjet Shqipërisë dhe Kosovës do të zhvillohet më 29 maj në Cyrih nga ora 20:00.
Ky do të jetë rast i mirë për bashkatdhetarët që të shohin një ndeshje të bukur futbolli ndërmjet ekipeve shqiptare.
Ky do të jetë gjithashtu një test i mirë për dy trajnerët të ftojnë lojtarë të rinj. Shqipëria më 2 qershor do të luajë një miqësore tjetër me Ukrainën, derisa kjo është e vetmja miqësore për Kosovën në këtë fazë.
Kuqezinjtë fillojnë përgatitjet dhjetëditore në Zvicër më 26 maj, ku trajneri i Shqipërisë, Christian Panucci, ka mundësi të shoh nga afër formën e disa lojtarëve.
E-Diaspora
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë Kryeministri Edi Rama ka kujtuar sërish bashkatdhetarët në Greqi se me 12 maj do të jetë...
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
-
Gjermani
Mynih: Një recital i shkëlqyeshëm për piano nga Kosti Deti
Jeta në Austri
-
Një përmbledhje e lajmeve më të fundit në Austri Austria sheh rritje të papunësisë ndërsa ekonomia dobësohet, foshnja e vogël lëndohet pas rënies nga dritarja...
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?
-
Lajmet kryesore të Austrisë për këtë të enjte