FC Kosova e Gjenevës vazhdon rrugëtimin, mirëpo zbehen rezultatet

Zhvillimet e padëshiruara në sezonin e shkuar me ekipin e dytë dhe tërheqja e kryesisë së vjetër, gjithsesi se ndjehen edhe në sezonin vijues te FC Kosova e Gjenevës.

Vitet e shkuara, Kosovën e gjeje lehtë në ligën e dytë të Gjenevës, gjithmonë aty në pozitat e para, mirëpo këtë vit rezultatet nuk janë për t’i dëshiruar.

Ekipi gjendet në vendin e nëntë, vetëm 3 pikë larg fundit të tabelës.

Pranvera duhet t’ia rikthejë formën dhe shkëlqimin e dikurshëm FC Kosovës, në të kundërtën mund të rrezikohet mbetja në Ligë, njofton Albinfo.ch.

Dhjetë takime, gjashtë humbje, tre fitore dhe një barazim, me 15-të gola të shënuara dhe 25-të të pranuara. Këto janë numrat e FC Kosovës së Gjenevës në sezonin vjeshtor 2018/19 në ligën e 2-të Gjenevës.