Futbolli Shqiptar në Zvicër
FC Besa St. Gallen shënon 25 vjetorin e themelimit të klubit me një turnir të madh tre ditor
Kupa e Unionit të Klubeve Shqiptare të Futbollit në Zvicër mbahet këtë fundjavë në stadiumin e vjetër të FC St. Gallenit, në St. Gallen. Për tri ditë rresht, duke filluar sot, të premten, të shtunën dhe të dielën, do të luhet futboll. Kupa e Unionit mes skuadrave shqiptare të futbollit në Zvicër luhet të shtunën. Ndeshjen e parë të këtij eventi sportiv mes FC Besës dhe KF Dardanisë, që do të luhet sonte, e referon arbitri i Superligës zvicerane, Bekim Zogaj
Me një program të ngjeshur tre-ditor, FC Besa, shënon vitin e 25 jubilar të themelimit të klubit me një fundjavë futbollistike të ndarë në kategori të juniorëve, ekipet e firmave dhe Kupen e Unionit. Për tri ditë rresht, të premten, të shtunën dhe të dielën do të luhet futboll.
Nikoqiri i këtij spektakli të madh futbollistik të klubeve shqiptare në Zvicër, Besa starton sot, të premtën, me një lojë miqësore ndaj KF Dardanisë së St. Gallenit. Ndeshjen e parë të këtij eventi sportiv e referon arbitri i Superligës zvicerane, Bekim Zogaj.
Të shtunën paradite, pra nesër, luajnë juniorët e kategorisë C dhe më pas fillon gara mes skuadrave shqiptare për kupën e Unionit. Të dielën luajnë veteranët dhe ekipet e firmave.
Turniri tre-ditor zhvillohet në stadiumin Espenmoos. Ekipet pjesëmarrëse dhe shikuesit do të kenë vend të mjaftueshëm për të pëcjellur ndeshjet nga tribuna e mbuluar e stadiumit të vjetër të FC St. Gallenit.
Në garën për kupën e Unionit marrin pjesë dhjetë ekipe, ndër to; FC Kosova Cyrih, FC Iliria Solothurn, FC Dardania Basel, FC Prishtina Bern dhe ekipe të tjera të Unionit.
Ndeshjen e parë me fillim në ora 11 do ta luaj FC Kosova e Cyrihut kundër KF Dardanisë së St. Gallenit. Në fushën e dytë të stadumit luan FC Besa ndaj FC Dardanisë së Baselit.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Austri
-
Austrian Airlines arrin marrëveshje pagash me punëtorët për të shmangur grevat e reja Pas disa raundesh negociatash – dhe grevash – Austrian Airlines dhe ekuipazhi i kabinës kanë arritur...
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë