Lajme
Facebook vendos të shfaqë më pak lajme rreth politikës
Kompania Facebook njoftoi të mërkurën se do të publikojë më pak lajme politike. Kjo masë është në përputhje me planin e shefit të kompanisë, Mark Zuckerberg, për të ulur përmbajtjet tendencioze.
Rrjeti më i madh social tha se do të fillojë testimin e algoritmeve të ndryshuar “për një përqindje të vogël të njerëzve” në Kanada, Brazil dhe Indonezi këtë javë dhe Shtetet e Bashkuara në javët e ardhshme, shkruan Rel, përcjell Albinfo.ch.
“Gjatë këtyre testeve fillestare do të shqyrtojmë mënyra të ndryshme për të renditur përmbajtjen politike”, tha njëra ndër menaxheret në Facebook, Aastha Gupta.
Ndryshimi nuk do të ndikojë në informacionin në lidhje me pandeminë e COVID-19 dhe përmbajtjen nga organizatat globale të shëndetit ose nga agjencitë zyrtare qeveritare.
“Një reagim i rëndomtë që e dëgjojmë është se njerëzit nuk duan që përmbajtja politike të mbizotërojë News Feed-in e tyre”, tha Gupta.
Vendimi vjen në periudhën kur Facebook dhe platformat tjera sociale po përballen me kritika për mundësinë e keqinformimit dhe manipulimit politik, veçanërisht gjatë periudhave të zgjedhjeve.
Zuckerberg tha muajin e kaluar se Facebooku po kërkon të “ulë temperaturën” në platformën e tij të gjerë, duke zvogëluar llojin e bisedave politike përçarëse dhe tendencioze.
“Ne ende do t’u mundësojmë njerëzve që të përfshihen në grupe politike dhe diskutime nëse duan”, pati thënë Zuckerberg.
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri