Evropa Perëndimore, atraktive për investimet e huaja direkte

Foto Ilustrim

Sipas rezultateve të studimit në tregun evropian „European Attractivenes Survey 2015″, të cilin e ka realizuar kompania konsulente „EY” (më herët “Ernst & Young”), investimet e huaja direkte (SDI) që janë orientuar në Evropë arritën një rekord të ri në vitin 2014: 305 miliardë dollarë.

Hulumtimet kanë treguar se gjatë vitit të kaluar 43 vende evropiane (përfshirë Rusinë dhe Turqinë) kishin realizuar 4341 projekte të investimeve, e cila është 10 për qind më shumë se shifra që ishte regjistruar në vitin 2013.

Kështu, në vitin 2014 u hapen vende të reja pune që përfaqësojnë një rritje prej 12 për qind në krahasim me vitin e kaluar.

Rezultatet kërkimore në Evropë për investime që i ka realizuar kompanisë “EY” kanë bërë të ditur se Evropa Perëndimore ka tërhequr gjysmën e të gjitha investimeve botërore gjatë vitit 2014, që paraqet një rritje prej 5 për qind në krahasim me 2013-ën.

Me këtë rezultat Evropa arriti Kinën, e cila ka regjistruar rënie në projektet e investimeve prej gjashtë për qind dhe u bë destinacion më atraktiv për investimet e huaja. Rritja e investimeve në rajonin e Amerikës Veriore ishte 32-39 për qind, duke zënë vendin e dytë në atraktivitetin global, ndërsa Kina ra nga i pari në vendin e tretë.

Rimëkëmbja ekonomike e shoqëruar me trendin e vlerës së çmimit të euros dhe energjisë së ulët ka ndihmuar për të ringjallur atraktivitetin e sektorëve të prodhimit në Evropë. Prodhimi ka çuar në rritjen e investimeve të huaja direkte prej 20 për qind dhe në të njëjtin kohë rritjen e numrit të vendeve të punës.

Kompanitë evropiane janë përgjegjëse për gjysmën (51 për qind) e projekteve të investimeve të drejtuara drejt Evropës, ndërsa një e katërta e investimeve erdhi nga kompanitë shumëkombëshe nga Shtetet e Bashkuara.

Investitorët e huaj shohin burokracinë (20 për qind) dhe rritjen e ngadaltë ekonomike (17 për qind), si pengesën më të madhe të Evropës, ndërsa pasiguria gjeopolitike në kufijtë e Evropës (11 për qind) dhe deficitit i lartë (11 për qind) janë të publikuara si defekte shumë të vogla.

Vendet evropiane duhet të përmirësojnë më tej fleksibilitetin e tregut të punës, për të lehtësuar rregullimin dhe rregullisht duhet të inkurajojnë një mjedis bashkëpunuese të biznesit.