E-Diaspora
Elina Duni merr pjesë në “KAEF Gala Night” në Prishtinë
“The Night of The Rising Stars” do të jetë ngjarje bëmirësie me qëllim të përkrahjes së të rinjve të talentuar Kosovarë përmes bursës për programe master – KAEF
Këshilli Amerikan për Arsim Ndërkombëtar njofton se jazz kompozitorja dhe këngëtarja shqiptaro-zvicerane me famë ndërkombëtare, Elina Duni është mysafire e veçantë në Gala mbrëmjen e Fondit Kosovaro Amerikan për Edukim “The Night of The Rising Stars”, që do të mbahet të premten, me 23 shtator, 2016, në Prishtinë, Kosovë.
“The Night of The Rising Stars” do të jetë ngjarje bëmirësie me qëllim të përkrahjes së të rinjve të talentuar Kosovarë përmes bursës për programe master – KAEF.
Njëherësh, kjo mbrëmje synon që t’i festojë të arriturat e Kosovës në fushën e edukimit, prodhimtarisë dhe të kulturës.
Mbrëmja do të zë vend në ambientin idilik të Muzeut Etnologjik dhe do të shoqërohet nga një mini-koncert i ish-bursistëve të KAEF-it, të udhëhequr nga Shpat Deda (përfitues i KAEF-it), për të vazhduar me koncertin e këngëtares Elina Duni. Në mbrëmjen e ngjarjes, Muzeu Etnologjik do të jetë i hapur për mysafirët.
Përmes përkrahjes së kësaj mbrëmjeve, në jetëgjatësinë e programit KAEF kanë kontribuar: Limak Kosova, KOSTT, BPB, ECIKS, Muzeu i Kosovës, Klubi i Prodhuesve të Kosovës, Restorani Tiffany, Korporata Dukagjini, AMM, AVC, VAS Tour, Hotel Emerald, Hotel Nartel dhe Rrota.
Fondi Kosovaro Amerikan për Edukim (KAEF) ofron bursa për studime master në disa prej universiteteve më të mira amerikane. KAEF është burim i rëndësishëm për studentët e talentuar Kosovarë që të fitojnë dituri shtesë dhe të njihen me mundësi të reja në Shtetet e Bashkuara të Amerikës. Deri më sot, KAEF ka ndarë 87 bursa që nga viti 2005 për një grup të rinjsh të talentuar nga Kosova”.
Biletat për Gala mbrëmjen mund të blihen tek zyret e Këshillit Amerikan për Arsim Ndërkombëtar, Rr. Fehmi Agani, no. 46/3, 10000 Prishtinë, Kosovë, për 30 Euro. Numri i biletave është i limituar. Të gjitha përfitimet nga shitja e biletave do të kontribuojnë në fondin e bursës KAEF.
E-Diaspora
-
Puna në ajër të jep ndjenjën e paqes “Nuk ka asgjë më mirë se të mund të punoj në ajër. Kur kam kohë dhe...
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?