CH-Ballkani

Eksperti Ibrahimi për pensionet: “Po përfundon gjendja pa marrëveshje”

"Këshilli Kantonal kërkoi referendum fakultativ dhe çështja kthehet për shqyrtim në Këshillin Kantonal. Por kjo pritet të ndodhë brenda këtij sesioni respektivisht brenda javës"

E mërkurë, 5 Qershor 2019 - 17:31 albinfo.ch

Eksperti shqiptar i sigurimeve shoqërore në Zvicër, Ruzhdi Ibrahimi e konsideron si një hap të rëndësishëm votimin e Parlamentit të Zvicrës në favor të Marrëveshjes “së pensioneve” me Kosovën.

Ai, në një postim të tij në fb, ka shkruar: “Deputetët e Këshillit Nacional (Dhoma Nacionale e Parlamentit) votuan Pro marrëveshjes së Sigurisë Shoqërore Zvicër Kosovë. Këshilli Kantonal (Dhoma e Kantoneve) kërkoi referendum fakultativ dhe çështja kthehet për shqyrtim në Këshillin Kantonal. Por kjo pritet të ndodhë brenda këtij sesioni respektivisht brenda javës. Më në fund do të përfundojë gjendja pa marrëveshje. Zvicra dhe Kosova rregullojnë raportet në Sigurinë Shoqërore. Pas tejkalimit të këtyre diferencave pritet vetëm të hyjë në fuqi marrëveshja dhe nga kjo datë fillon pagimi i pensioneve nga kolona e parë”, shkruan Ruzhdi Ibrahimi, transmeton albinfo.ch.

“Faleminderit të gjithëve që e ndihmuan me aktivitete të shumta këtë shteg maratonik për realizimin e së drejtës për pagimin e pensionit në Kosovë për Shtetasit e Kosovës.

Marrëveshja nuk parasheh pensione për kohën pa marrëveshje. Kjo do të jetë sfida e radhës për qeverinë e Kosovës dhe diasporën e saj të ardhmen”, shkruan Ibrahimi, i cili ka përcjellë sot nga dora e parë debatin në parlament rreth marrëveshjes së përmednur Zvicër-Kosovë.

 Të tjera nga CH-Ballkani

Justina Shiroka-Pula betohet si Presidente e Kosovës

 E-Diaspora

 Jeta në Austri